ദുബൈ മുൻസിപാലിറ്റിയുടെ സഹകരണത്തോടെ യുണൈറ്റഡ്‌ നേഷൻസ്‌ (UNEP) വളരെ കാലമായി ദുബൈയിൽ നടന്നുവരുന്ന ക്ലീൻ അപ്‌ ദി വേൾഡ്‌ (CUW) എന്ന ക്യാമ്പയിനിൽ കഴിഞ്ഞ 6 വർഷമായി നമ്മുടെ തപസ്സിന്റെ അംഗങ്ങൾ പങ്കെടുത്തിരുന്നു. ഈ വർഷവും നവംബർ 18 നു നടന്ന ക്യാംമ്പയിനിൽ തപസ്സിന്റെ നിരവധി അംഗങ്ങൾ പങ്കെടുത്തു.
അംഗങ്ങൾക്കായി യു എ ഇ യിലെ വിവിധ പ്രദേശങ്ങളിൽ നിന്നും വാഹന സൗകര്യം ഏർപ്പാടാക്കിയിരുന്നു. തട്ടത്തുമലക്കാരുടെ സാമൂഹ്യ പ്രതിബദ്ധത വിളിച്ചോതുന്നതായിരുന്നു പ്രസ്തുത പരിപാടി.
രാവിലെ 8 മണി മുതൽ ആരഭിച്ച പരിപാടി 12 മണിക്ക്‌ അവസാനിച്ചു. പരിപാടിയുടെ അവസാനം ദുബായ് മുനിസിപ്പാലിറ്റി അധികൃതരിൽ നിന്നും തപസ്സ് ജോയിന്റ്‌ സെക്രട്ടറി റിജു സർട്ടിഫിക്കറ്റ്‌ ഏറ്റുവാങ്ങി.
